மாடித்தோட்டம்வீட்டுத்தோட்டம்

மல்லிகை மாடித்தோட்டம் வீட்டுத்தோட்டம்

தேவையான_பொருட்கள்

1. 50லிட்டர் கொள்ளளவு கொண்ட டிரம்.

2. அடியுரமாக இட மண்/செம்மண், தென்னை நார்க்கழிவு மக்கியது, மண்புழு உரம்,(தேவையெனில்) , வேப்பம் பிண்ணாக்கு, மாட்டூட்டம்.

3. பதியன்கள் அல்லது வேர் விட்ட குச்சிகள்

4. நீர் தெளிக்க உதவும் பூவாளி தெளிப்பான்

5. கவாத்து உபகரணங்கள்

தொட்டிகள்

🍀 செடிகள் வளர்ப்பதற்காக டிரம்களில் நிரப்பும்போது, பையின் நீளத்தில் ஒரு அங்குலத்துக்குக் கீழ் இருக்குமாறு நிரப்ப வேண்டும், முழுமையாக நிரப்பக் கூடாது.

🍀 இதில் அடியுரமாக ஒரு பங்கு மண், ஒரு பங்கு தென்னை நார்க்கழிவு, ஒரு பங்கு இயற்கை உரம் என மூன்றையும் சம அளவில் கலந்து வைக்க வேண்டும்.

🍀 இது நீண்ட கால செடி என்பதால் தென்னை நார்க்கழிவு சேர்ப்பது சிறந்தது. அப்பொழுது தான் மண் இலகுவாக செடி வளர்வதற்கு ஏற்றதாக இருக்கும்.

விதைத்தல்

🍀 பதியன்களை அருகில் இருக்கு நாற்று பண்ணைகளில் வாங்கிக்கொள்ளவும் பதியன்களை தொட்டியின் மையத்தில் நடவு செய்ய வேண்டும். வேர்ப்பகுதி முழுவதும் மறையும் படி நடவு செய்ய வேண்டும்.

நீர்_நிர்வாகம்

🍀 நட்டவுடன் நீர் தெளிக்க வேண்டும். பின்னர் ஒருநாள் விட்டு ஒருநாள் காலை அல்லது மாலை வேளையில் தண்ணீர் ஊற்ற வேண்டும்.

🍀 தென்னை நார்க்கழிவு இருப்பதால் ஈரப்பத்தை கண்காணித்து நீர் ஊற்ற வேண்டும்.

உரங்கள்

🍀 வேப்ப இலைகளைச் சேமித்து நன்கு காய வைத்துத் தூள் செய்துகொள்ள வேண்டும். இந்தத் தூளைச் செடி ஒன்றுக்கு ஒரு பிடி வீதம் செடியின் வேர் பகுதியில் போட்டு நன்கு கொத்திவிட வேண்டும். இதுவே அடி உரமாகவும், பூச்சிக் கொல்லியாகவும் செயல்படும்.

🍀 செடிகளைக் காக்கும் இயற்கை பூச்சிக் கொல்லியான வேப்ப எண்ணையை மாதம் ஒரு முறை தெளிக்க வேண்டும். சமையலறை கழிவுகளையும் உரமாக இடலாம்.

🍀பொதுவாக பிண்ணாக்கு வகைகள் பூ வளர்சியை அதிகம் பெருக்கும் பிண்ணாக்கு கிடைக்குமாயின் உரமாக பயன்படுத்தலாம்!
(அ)தேங்காய் பால்+புளித்த தயிரை சம அளவு கலந்து ஒருவாரம் புளிக்க வைத்து 1:10 என்ற அளவில் தண்ணீர் கலந்து பூ வைக்கும் பருவத்தில் தெளிக்கலாம்!

பாதுகாப்பு_முறைகள் 

🍀 வாரம் ஒரு முறையாவது செடியைச் சுற்றி அடி மண்ணைக் கொத்தி விட்டு நீர் ஊற்ற வேண்டும்.

🍀 பஞ்சகாவ்யா 50 மில்லி என்ற அளவில் ஒரு லிட்டர் நீரில் கரைத்து வேர்ப்பகுதியில் ஊற்ற வேண்டும். (10 நாள் இடைவெளியில்)

🍀 செடிகளின் கிளைகளை கவாத்து செய்ய வேண்டும். அப்பொழுது தான் பக்கக்கிளைகள் தோன்றும்.

பயன்படுத்தும்_இடங்கள் 

🍀 இதன் தொட்டியை சுவற்றின் அருகில் சிறு கற்களை இட்டு அதன் மீது வைக்க வேண்டும். அப்பொழுது தான் செடிகளை சுவற்றின் மீது படர விட ஏதுவாக இருக்கும்.

🍀 இதன் வாசனையை விரும்பாதவர்கள் யாரும் இருக்க முடியாது. இதன் வாசனையை நுகரும் பொழுது மனதிற்கு ஒரு வித உற்சாகம் கிடைக்கும்.

🍀 தொட்டியை ஜன்னல் அருகில் வைப்பதால் இதன் வாசனை நாள் முழுவதும் வீட்டில் பரவி இருக்கும்.

( குறிப்பு: தொட்டியில் இல்லாமல் தரையில் வளர்க்க நினைப்பவர்களும் தரையில் ஆழமாக குழி தோன்டி,இதே முறையை பின்பற்றலாம்!)